何基佑為出碟賣樓

無綫主持何基佑自資六位數字製作EP，頭炮作為《K歌仔》，該歌由他與周永恒一齊作曲、作詞及監製，問何基佑為何找周永恒合作？他表示︰「因為我同佢係同一個團契，知佢做開歌，就叫佢幫手，佢好好，只係收我友情價。創作呢首歌嘅原因，係因為我想將藝人真實嘅一面表露出嚟。裏面仲有講對金錢、戀愛同性嘅睇法。」

自資出唱片有機會血本無歸，問何基佑會否覺得揼六位數出碟會有危險？他表示：「呢個係我嘅心願嚟，我賣咗層樓，用咗部分嘅錢出嚟搞呢隻碟，成日都話希望大家聽情歌之餘，都要聽下其他類型嘅歌。《Ｋ歌仔》派台之後反應幾好，網上有唔少留言讚，睇到真係好開心，呢啲滿足感唔係錢可以衡量。