陳倩揚遭馬德鐘喪鬧嚇到失憶
港姐出身的陳倩揚（Skye）最近趕拍古裝劇，她表示日前拍攝一場戲份，要被飾演皇帝的馬德鐘喪鬧，而她則做出驚青反應，惟Skye到正式開機時，竟被對方嚇到忘記對白，爆笑全場。
陳倩揚除了擔任主持表現稱職外，最近她還忙於拍攝古裝劇《洪武三十二》，由於天氣炎熱，不少藝人要穿厚疊疊的古裝戲服開工，叫苦連天，惟Skye竟表示不覺得熱，她笑稱是耐熱之人，加上目前拍廠景較多，故仍未親身感受到熱力逼人的感覺。
拍戲拍上癮
戲中Skye與好戲之人馬德鐘不乏對手戲，她盛讚對方為人和善親切，而且又會帶她入戲。而Skye又自爆拍攝時之趣事，她說：「有場戲講我畀佢（馬德鐘）喪鬧，我嘅反應係好驚青，點知正式埋位拍攝時，我畀佢鬧到唔記得接對白，淨係做咗個驚青嚇呆表情，全場爆笑。」不過Skye直言與有經驗的演員合作，令她獲益良多，更表示對演戲產生濃厚興趣，她說：「拍戲會上癮，依家成日等緊幾時有我戲份嘅通告。」
讚佳麗質素
另外，貴為2008年港姐亞軍，Skye對今屆入圍佳麗的新聞亦相當關注，她大讚15位佳麗質素不錯。對於佳麗未正式參選已是非不斷，Skye說：「梗係會有呢啲新聞，叫佢哋唔使太介意。（曝光率高有着數？）最緊要係享受參選過程，今年佢哋去咗印度拍外景，係一個好好嘅體驗。」
文：專案組
採訪：German
攝影：沈健程
髮型：Match@Hair（又一城）
服裝：Luvlicious