糖兄妹自爆恨拍拖
剛加盟Wow Music的新進組合糖兄妹宣布正式殺入樂壇，成員只有結他手阿峰（糖兄）及主音Candy（糖妹），二人於一次歌唱比賽上認識，糖妹事後膽粗粗致電糖兄要求合作，繼而獲唱片公司發掘簽約成為歌手。
問到糖兄妹的姓名由來，糖妹說：「阿峰話我英文名叫Candy，佢就諗到糖字，所以就改咗糖兄妹呢個名！」由於二人均沒有拍拖且經常朝夕相對，問二人可會在創作歌曲時擦出愛火花？糖妹直言：「難啲，糖兄唔係我鍾意嘅類型！」阿峰亦斬釘截鐵表示：「我都唔會囉！」不過糖兄妹卻異口同聲表示恨拍拖：「因為拍拖可以有多啲創作靈感！」
