焦媛獨愛未婚的自由

焦媛與尹子維合演的舞台劇《金鎖記》，去年在港演出十四場後，到了內地巡迴再演出了共八場。二人回港後即再投入香港的重演作出準備，今次會再演出十七場，成績驕人。

私下唔啱嘴形

焦媛表示休息了一段時間後，發覺尹子維「大隻咗」，她說：「有次綵排佢要孭住我，佢問我係咪輕咗。我先發現原來係佢大隻咗囉，原來係佢不停做Gym。」焦媛坦言對方是典型的靚仔，亦具有男人味，但卻不是她那杯茶，她說：「劇入面可以投入，但我同佢唔啱嘴形，私底下唔啱我，完全無觸電嗰種感覺，唔明點解咁多女仔鍾意佢。」

焦媛每次穿上紮腳鞋，均表現得苦不堪言。

焦媛雖然每場均被尹子維孭着，但完全沒有過電感覺。

完成多年夢想

對於早前男友高志森表示若她拿到舞台劇獎最佳女演員，便會與她註冊結婚，但可借最終落空收場，焦媛表示沒有失望，她說：「可以點啫？唔通上訴咩！我仲大把市場，有排揀，結咗婚反而無咗依家種自由自在生活。」稍後，焦媛還會充當導演主理歌舞劇《我的快樂時代》，完成她多年來的夢想。問到會否向高志森請教，她說：「唔會啦，話明我執導，唔想有太多佢嘅嘢。」

文：影視組