李綺雯講波獲讚賞
李綺雯（o靚妹）一向是足球狂熱分子，今年更獲無綫委派擔任《世界盃動起來》節目，並被外間讚賞是最識講波的女主持，她謙虛說：「唔好咁講，我同班前輩仲有好大段距離，不過自己每日都有做功課，睇足三場賽事，仲會上網搵資料。」有指部分嘉賓不夠專業，她解釋說：「好多嘉賓都係為搞氣氛，尤其係女仔睇波多數講情意結，即使碧咸冇份踢，見到佢入鏡頭都會尖叫，幾好笑。」
另外，《世》被批評無聊，o靚妹直言已盡力而為，她說：「我覺得唔係無綫錯，買唔到播映權都冇辦法，但唔播唔代表乜都唔做，呢件係全世界都關心嘅事，睇唔到都應該有知情權，無綫已用盡方法將資訊話畀大家聽。」
服裝：Sistyr Moon