梁嘉琪體驗貧苦食曱甴
梁嘉琪首次拍攝古裝劇，對飾演王后一角充滿期待，而開拍前她與圈外友人到柬埔寨體驗生活，更大無畏食曱甴，讓她有深刻體會。
梁嘉琪首次演出古裝劇，繼《學警狙擊》後再與江若琳結片緣，但梁嘉琪已「升呢」做王后：「喺《洪武三十二》度做王后，第一次拍古裝，最辛苦嘅係個假髮好重，想個效果靚又加咗好多髮釵，搞到個頭不停向後墜，唔可以亂郁，好彩多廠景，古裝都唔怕熱。」她希望觀眾透過《獎門人》及主持工作，知道她玩得、講得及演得等的不同一面。
心靈富足
梁嘉琪開拍宮廷劇前到柬埔寨旅行，感受民間疾苦，反差之大令她有深刻體會：「我去咗兩條村探小朋友，嗰度啲屋好簡陋，水上面嘅村仲有鹹魚嘅臭味，啲水好污糟。而小朋友冇着衫，好怕醜，我哋將啲糖畀晒佢哋，要傾好耐先敢拎，去完之後覺得心靈好富足，知道自己好幸福。」她旅行時更大無畏地食曱甴，笑言似薯片。
文：專案組 攝：馬永堅 髮型：Zell@HH 服裝：Fly Girl