兒童節目主持人蔡淇俊，早前與大班fans在快餐店舉行生日派對，以慶祝其廿六歲生辰，席上雖然他姍姍來遲，不過仍無損fans對他的熱情，而蔡淇俊亦十分識做，一到場即與fans玩遊戲，其後fans更為他送上生日歌及禮物，令他十分高興。
而事後他表示首次在快餐店舉行生日會，感覺十分新鮮，他說：「點解fans會嚟呢度搞生日會？因為呢度平時係我飯堂之一，好鍾意食快餐，所以特登為我喺度搞一次生日會。（咁多fans幫你搞生日會是否很感動？）感動，fans club成立咗五年多，差唔多睇住佢哋成長，真係好『老懷安慰』，今次fans之中又有新成員，佢哋仲係我啲小學學妹嚟，真係好多謝每位fans對我嘅祝福同禮物，真係好開心。」