莊思敏求生裸背做晶女郎

本身擁有高挑身形及白皙皮膚的莊思敏，再加上本身對鏡頭及甫士十分敏感，絕對是當模特兒的好材料。但礙於現時拋胸o靚模氾濫，莊思敏直言工作收入因此大受影響，尤其是商場Job更是少了接近三成。

恨演精神病患者

未知是否因為如此，從事模特兒工作多年的她，毅然決定轉移到影圈大展拳腳，並已落實簽約王晶。雖然未肯透露簽約酬金，但莊思敏卻揚言希望能飾演一些特別角色：「最好係精神錯亂同好癲嘅角色。」

由於晶女郎通常需要性感演出，問到莊思敏會否替自己設下性感底線時，她笑謂：「如果劇本需要，我可以背部全裸嘅。（露股都制？）唔係呀，淨係背部咋。（驚唔驚男友詐型？）唔會，佢好明白係工作需要，但平時出街都會唔准我着咁暴露。」

否認不滿周秀娜

由於莊思敏之前與周秀娜是同門，現在突然離開舊公司轉投王晶，難免令人猜想她是因不滿公司偏心周秀娜，不過莊思敏卻強調與周秀娜關係良好：「我同佢ＯＫo架。（咁係咪因為一山不能藏二虎所以走？）嘩！佢哋點止二虎呀？」莊思敏更酸溜溜地表示：「我長大喇，唔想再留喺波波池。（唔滿意時下o靚模淨係識賣弄身材？）依家啲o靚模拋胸就可以上C1，雖然我都恭喜佢哋，但問題是好影響啲年輕人，以為行性感就可以紅，我識有啲細路女，成日話志願係做o靚模，真係令人好慨嘆。」

場地：LaVilla TST

服裝：KAREN MILLEN

髮型：Herman＠Chin.G

文：影視組