姚珏人琴合一似上電
著名小提琴家姚珏跟價值不菲的古董小提琴做到「人琴合一」，天生就跟小提琴結下不解之緣的她，自少已經充滿表演欲，踏上舞台如「上電」般興奮。
07年姚珏如願以償擁有這把1713年斯特拉迪瓦里Stradivarius古董小提琴，是首位中國女小提琴家擁有這把古董小提琴，在其剛推出的《Dream Come True》Live新碟中，便藉這把古董小提琴演繹跨越三百年經典曲目。姚珏形容第一眼已好喜歡這把小提琴，當她拿上手拉奏感覺好特別，她說：「音色好靚，想表達的東西全部表達晒出來，（人琴合一？）拉過之後真係唔捨得放手。」收藏家經過數月考慮，終答允割愛讓出，她笑說：「係一個good price。」她本身擁有三個有相當價值的小提琴，每個小提琴都有投保，但她直言：「最鍾意當然係呢個，唔同level，揸上手你就感覺到嗰種力量，係好開心好順嘅。」
自小有表演欲
自小受爸爸影響的姚珏，覺得天生就跟小提琴有「關係」，她笑說：「從小我就同小提琴一齊，好似冇分開過，其實喺練習過程、規律係好辛苦，生活好苦悶，但我已習慣，每日都要拉過先舒服。」她直認自小就有表演欲，從不怯場，她笑說：「我鍾意表演，上到舞台係好開心，當然每人要求不同，有時都會有拉得唔滿意嘅時候，可能觀眾完全唔察覺，但自己覺得唔好囉，情緒好時，係會發揮得更加好。」
文：音樂組