杜宇航被讚港人驕傲
由杜宇航、陳嘉桓、廖碧兒主演、邱禮濤執導的電影《葉問前傳》月尾上映，由於甄子丹主演的《葉問》與《葉問2》珠玉在前，《葉問前傳》自然難逃遭拿來作比較，問到邱禮濤會否因此感到壓力？他說：「冇壓力！就算有，都係一般拍戲會遇到嘅壓力。（有否看《葉問》取經？）又冇乜喎，反而之前做咗啲關於姿三四郎（柔道高手）嘅research，我對EQ高同謙虛嘅人好有興趣！」
談到外間經常拿杜宇航與子丹作比較，邱禮濤則坦言這樣並不公平：「冇得比，好似黃飛鴻同關德興、蕭芳芳同蔡卓妍咁，你哋唔會將佢哋攞嚟比較，根本屬於唔同年代。」邱禮濤更大讚杜宇航說：「佢人品好好，好nice，而且佢係難得土生土長嘅香港人，咁細個就攞到武術冠軍。（港人驕傲？）都係o架！」