鍾嘉欣失眠三月急停工

提起那段日子，嘉欣露出痛苦表情：「失眠咗三個月，個人狀態好差，（因為壓力瞓唔到？）唔係，剛剛放完假返嚟都冇事，仲好開心，但有一日瞓唔到，第二日又係咁，跟住就開始完全瞓唔到。」

未幾就接拍《蒲松齡》，戲份重加上角色好悲，嘉欣愈想瞓得好儲足精神工作就愈難入睡，她表示：「嗰時抵抗力差，成日病，皮膚敏感，返到屋企見到張床都驚，因為點都係瞓唔到，要媽咪扯我至肯返工，幾乎拍唔到落去。」可幸同劇的陳法拉、馬浚偉經常開解她，紓緩她不少工作壓力，令嘉欣心存感激。

鍾嘉欣密密做，不知不覺壓力大增。

捱過辛苦的日子，嘉欣終於重現笑容。

閉關養病

辛苦地捱過了該段日子，隨後嘉欣又接拍另一劇集，她知道這樣的狀態不可能繼續開工，於是要求休息一星期，在休息期間，嘉欣不接任何電話，再加中醫治療，終於慢慢好過來：「當時媽咪好擔心，成日幫我捽頭捽腳，（媽咪有冇叫你唔好做？）冇，佢只叫我唔好接得咁密，不過今次係一個經驗。」

經歷今次「大病」，嘉欣更覺得不可能因自己而影響到他人，所以日後工作都會更負責，努力做好每件事，並望觀眾可原諒她今次的失準。

文：影視組　攝：唐豁莊