早前宣布開拍《職業特工隊4》的湯告魯斯，在新片《戀戰特務王》中再度回歸動作喜劇電影，為重返《職》片崗位來個熱身！
《戀戰特務王》除了是身手不凡的靚佬湯拍完一輪嚴肅電影（不賣座）回歸動作外，亦是他與金美倫戴雅絲繼十年前的《魂離情外天》後，再度合作的新片。
故事講述超級特務Miller（靚佬湯飾）與June（金美倫飾）在機場一次偶遇一拍即合，June之後於航機的洗手間說服自己準備與對方熱吻時，Miller竟在這刻殺光機上乘客與機師，June當場被嚇呆，兩人亦因此展開了走勻半個地球的歷險。
片中二人有大量被追捕的驚險動作場面，其中一場令靚佬湯印象最深的，是他需駕電單車載着金美倫闖進西班牙San Fermin奔牛節，過程險象環生，而當時片場更曾因走失牛隻撞傷途人一度要停拍。靚佬湯表示一直希望參與奔牛活動，他表示：「我埋位時有不祥預感，面對這類危險鏡頭只能硬着頭皮完成，如果唔係工作人員會更擔心。」
靚佬湯要應付片中多場動作場面，拍檔金美倫則對他的身手讚不絕口：「靚佬湯好勁，佢唔拍戲嘅話會係呢行最佳特技人。我見佢跳落車頂時吊來吊去，我就在車廂內尖叫。見到佢拍咁多動作戲，搞到我都想飛來飛去，要求畀多啲動作戲我。」靚佬湯亦大讚金美倫既幽默又有闖險精神，與她合作非常好玩。
文：外娛組