任賢齊作歌唱好壞女人

任賢齊說：「女人不壞，男人不愛！」現已轉戰荷里活的索模Maggie Q，曾幾何時在小齊的演唱會上伴舞，兩人又合作拍過廣告，當年小齊就特別為Maggie Q寫了《美麗的壞女人》這首歌。

雖然時間流逝，但小齊依然對Maggie Q讚不絕口：「佢好靚女。（壞女人？）女人不壞，男人不愛，唔係因為壞，佢好sexy，好有吸引力，對男人有危險，好多男人甘心為佢冒險。（你都係？）我冇諗過呢一層，哈哈！」

儲夠兩億退休

將於下周三踏入四十四歲的小齊，願望是平安、健康，他說：「每年呢個時候，都特別多謝媽咪咁辛苦生我養我。（點慶祝？）我好怕切蛋糕，我後生過校長（譚詠麟）兩年，佢廿五歲，我廿三歲，不過呃唔到自己，哈哈！（怕老？）未諗到呢樣，不過有次同台灣前輩同台表演，見佢年紀咁大跳得咁辛苦，我都就嚟係咁……（想退休？）湊夠兩億就退休，但依家差億幾，都唔知幾時至儲到！」

採訪：音樂組