張國強認錯拍檔口窒窒
張國強（KK）繼日前在《世界盃動起來》節目上出言挑逗黃婉曼後，前晚再在節目上開口夾着脷，誤將吳家樂當作錢嘉樂，KK得悉認錯人後方寸大亂：「佢唔喺度！」但吳家樂卻笑着寸他：「佢（錢嘉樂）啱啱唔喺度……但交低咗好多嘢畀我！」而嘉賓主持劉倩婷則對西班牙對瑞士發表「偉論」，她說：「我知點解呢場會輸，因為我鍾意嘅法比加斯冇出場！」卻被另一主持寸她：「咁佢嚟緊會唔會出場，你有冇打畀佢？」網上討論區則有網友要求無綫腰斬該節目，又有網友勁踩節目主持在講廢話。
至於李克勤昨日現身電台活動時則表示父親節前夕會收看英格蘭對阿爾及利亞的賽事，他說：「如果英格蘭贏咗就着住件波衫出嚟威吓，不過都會同屋企人食餐飯！」
另許冠文昨晚出席《3D世界盃在戲院》活動時，對於3D世界盃讚不絕口：「作為電影人，我真係興奮到瞓唔着，因為估唔到可以用3D嚟睇世界盃。」
此外，內地女星黃奕日前身穿巴西球衣拍攝一輯世界盃寫真，她會將自己撰寫的球迷日記稿費全數捐給「奕動體育慈善基金」，並用這筆善款購買足球和球鞋送給貧童。