范冰冰表態同穆曉光冇可能
已三年多沒愛情滋潤的范冰冰，最近傳出與經理人穆曉光拍拖，冰冰昨晚首度開腔否認戀情，繼而開出擇偶條件：「愛我多過我愛佢。」
前晚Joyce為慶祝Chanel暫駐店揭幕酒會，內裏並發售Paris-Shanghai工藝坊系列產品，現場還展出中國前衞攝影師陳曼的獨家作品。范冰冰着上Chanel長裙，谷胸上陣，性感又高貴，而經理人兼緋聞男友穆曉光則全程陪伴左右，姍姍來遲的冰冰解釋因北京落大雨，等了六個小時飛機才起飛。
問到穆曉光陪同到場，冰冰說：「佢係我經理人咋，唔係男友。（有冇發展可能？）冇可能。」此時在旁的穆曉光亦搖頭，冰冰續說：「佢係世界上最棒的經理人，我哋係好唔錯嘅團體，大家合作好開心，大家之間都好有愛，如果我有男友一定會公布。（有乜擇偶條件？）冇乜特別要求，最重要有緣分，緣分嚟就會有愛嘅感覺，同埋最重要佢愛我，多過我愛佢。」
經理人未禁拍拖
問冰冰與經理人相對得多，可會日久生情？冰冰即摸着旁邊的另一男助手，並問對方：「我哋會唔會日久生情？」對方笑着搖頭。問冰冰交男友要否經理人過目？她說：「唔需要，我只要畀媽過目，經理人唔會唔准我拍拖，我都長大，自己已三年半冇拍拖。（感情生活會否覺得好dry？）每個人都好愛我，我對自己將來都好有信心。」
徐濠縈賣到斷貨
出席嘉賓還有大陸女星張靜初、台灣型男高以翔、徐濠縈、黃偉文、萬寶寶等，徐濠縈表示身上由大會提供的服裝價值十幾萬，而她從未試過買超過六位數字的服飾，對於被指她的時裝是抄別人，她說：「唔使理，我尖沙咀店都開埋，啲貨賣完又斷，好開心，唔想回應呢啲嘢。」
文：名人組