農夫寸周杰倫扮星矢

農夫前晚在個唱上嘲笑多位巨星，成員陸永笑指周杰倫經常以「聖鬥士星矢」造型示人，他說：「佢都三十幾歲人，應該好清楚……」隨即做出「７」字手勢，明寸對方衣着騎呢，接住又取笑黎明說：「樂壇最有種嘅巨星一定係佢。」大銀幕即播出一張黎明的電影滿面鬚根造型照，Ｃ君說：「佢挑戰大家邏輯思維，好似空肚食早餐，擺明係挑戰大家理解力、接受力同忍耐力，逼到佢旗下藝人都癲咗。」銀幕又換上衞蘭早前的瑜伽姿勢唱片封套。農夫又借「最理想正常兒童高度」的英文講粗口，叫觀眾逐個字解釋英文讀音，由於連串出來的音很似粗口，令全場人捧腹大笑。