楊梓瑤被迫睇鹹書
「浸大E神」楊梓瑤（Carol）早前遠赴峇里拍攝寫真集，為令效果更性感誘人，她接受電話訪問時大爆被經理人逼睇鹹書，令她苦不堪言，她說：「想我有更多甫士，佢哋專程喺日本訂返香港，仲將啲相上載我個iPhone度，無論搭車同搭飛機都要我睇！（尷唔尷尬？）起初都尷尬，不過睇得多已經麻木！」
問到寫真集的賣點？她笑言全露背：「我已經挑戰自己性感尺度，我成個星期都冇衫着，淨係着內衣同比堅尼都百幾套，着到我都驚，所以一返到房，就索性裸體！」她又表示自己在寫真集內是以真材實料見人，絕不會「打假波」！
