克勤撐無綫有誠意
「波癡」李克勤昨日為「桃花源小廚」食肆剪綵，對於無綫世界盃節目被炮轟，身為契仔的克勤即幫無綫講說話：「佢哋都好難做，因為買唔到版權！（評述員被指唔夠專業？）好難答，佢哋出發點都係做好節目，聽講佢哋播嘅動畫都用咗好多錢，已經好有誠意！」記者提議克勤返無綫救亡，他即說：「呢刻唔會，因為公司同無綫嘅問題仲未解決！」
只有6點收視
而《世界盃動起來》連日來收視欠佳，周五、六及日都只得6點收視，繼日前被轟節目內容無聊、欠星助陣及欠專業講波佬和用藝人緋聞做話題「四宗罪」後，昨日無綫再接3宗投訴，不滿主持人七嘴八舌及齋Talk冇片睇，而廣管局的17宗投訴則包括不滿在免費台看不到世界盃、對無綫用動畫代替真人感不滿，而有線則被投訴播放世界盃畫面不清晰。
高海寧畀人撞
本報致電無綫外事部副總監曾醒明，他表示無綫只可以播有線提供的畫面及播放一次，強調已斥資七位數向法新社購買模擬片段豐富節目內容，對於嘉賓主持劉俐和梁政珏被嘲不懂講波，曾醒明表示：「第二集已經唔使照稿讀，畀啲機會佢哋！」另外，前晚無綫播放高海寧和馬啟仁直擊球賽的片段中，一名男外籍人士在高海寧身後狂跳並撞到她，令高海寧一臉尷尬，馬啟仁即時叫cut畫面。
文：音樂組