Miki福建行愧對表哥

Miki求學時每年都會跟母親返福建過新年，但當歌手後因工作纏身，多年未陪母返鄉，直至今年孝順的Miki才特別向公司請假，與家人返福建探親，更品嘗兒時最愛食的紫心番薯及冰糖葫蘆，她說：「雖然好多地方有得食，始終唔及鄉下整得好味，返去咁多日，日日都有食，真係唔厭！」

爬山累事

講到童年生活，Miki透露兩歲時曾在鄉下由公公婆婆照顧，期間又自爆難忘瘀事：「有次見表哥爬山，我咪跟住佢爬囉，佢大我少少，爬得快過我，點知佢唔小心踩到我隻手，痛到我慘叫係咁喊，嚇到屋企人唔知發生咩事，拉咗表哥狂鬧，依家諗番依然好內疚，佢都唔想踩親我嘅！」

楊愛瑾早前返鄉探親兼叉電，開心到彈起。

難得放肆，Miki即買齊煙火玩個痛快。

少上電視

雖然公公婆婆已離世，但Miki仍不時想起對方說：「始終湊過我，加上每年都會返去探佢哋。」Miki表示母親的親戚大部分居於福建，問到家人知否她加入娛圈？她說：「知！不過唔係成日可以喺電視見到我，始終我少拍內地劇。」

文：音樂組