羅仲謙奉旨(目及)實(5)莊思明
港姐候選佳麗昨日出發往印度拍外景，當中以(5)莊思明最「受寵」，除了姐姐莊思敏託羅仲謙照顧她外，只得她獲親友前來送機。
十五位準港姐出發前，眾人齊集電視廣播城拜神，祈求一切平安順利，隨大隊出發的羅仲謙表示已打了防疫針，亦帶備足夠的藥物及水。
雖然之前羅仲謙與佳麗們排舞，但對她們印象不太深刻，最有印象的算是(5)莊思明，皆因日前見到好友莊思敏，對方叮囑他代照顧妹妹，羅仲謙識做的說：「我會公平咁睇。（佢哋邊個最突出？）個個都突出，係我唔突出！」他更拒記者之要求與莊思明搭膊頭合照，更搞笑稱呼她為「世姪女」。
冇得Gym即時縮水
拍攝時羅仲謙會否穿泳褲？他說：「會着，但會加多條沙灘褲，女仔先係主角嘛。（驚搶咗佢哋鏡？）咁又唔會。（怕唔怕傳緋聞？）唔驚。（會唔會大騷肌肉？）唔得，嗰度好保守，四、五十度都要着長衫，而且冇得做Gym，一、兩日就縮晒水。」
(11)「密實湯唯」李文煊表示喜歡旅遊，不怕艱辛，她說：「睇報紙話嗰邊有啲人熱死，不過我唔怕辛苦，反而興奮。」被指內定冠軍，她說沒有被其他佳麗排斥：「佢哋仲教我廣東話。」而(15)張秀文被指以前有位「同邨男友」陳曉傑，父母當地盤雜工，她否認說：「我同家人係一直住耀安邨，不過呢個名我未聽過，而媽咪已經退咗休好幾年。」
文：影視組