韋綺姍準備收山
久未露面的實力派女歌手韋綺姍，將聯同另外六位唱家班於下月15日假灣仔伊利沙伯體育館舉行「世紀電影金曲演唱會」，昨日她與蘇姍、張武孝（大AL）和Joe Jr.出席記者會，而Irene Ryder、李龍基和Anders Nelsson則因事缺席。
已育有兩女的韋綺姍，昨日還帶14歲長女黃愷珊亮相，原來韋綺姍已有近六年沒踏足舞台，問屆時會否由母女同台演出？她笑稱：「應該唔會，佢到時要去遊學團。（會否反對女兒加入樂壇？）佢兩、三歲已經識唱英文歌，我已經可以收山，（畀囡囡入樂壇？）讀完書先，但佢鍾意都唔會阻止。」蘇姍則表示他們七位都是有實力的歌手，她說：「到時會唱好多有代表性嘅電影金曲，（爭拗？）少少啦，因為太多歌好難揀。」
