城城心急想要小Aaron
剛榮升馬主的郭富城（Aaron）昨日出席慈善活動，公開宣布要為新戲搵「接班人」，而被問到何時成家立室時，城城笑言：「連我阿媽都未緊張！」
Aaron昨日出席海港城主辦的「孩是你最好」籌款活動，原本在北京拍戲的他為慈善不惜風塵僕僕返港，在活動上現身三十分鐘就要匆匆趕返北京，精神可嘉。Aaron看來清減不少，但仍輕鬆以雙手分別抱起兩位小朋友。他坦言為電影《魔術年代》而特別減磅：「我主要以素菜去減，唔食肉唔食飯，之後又要再食多啲嘢肥番，（同章子怡合作有冇壓力？）冇乜，反而有火花，同佢都幾投契，係個好好對手。」Aaron示意希望透過傳媒搵到適合的小朋友扮演他跟子怡的童年，問他會否考慮近日紅爆的謝振軒（Lucas）？他說：「佢太細個喇，要六至十歲，最緊要個樣似我，如果好似的話，分分鐘成為我接班人！」
努力為愛駒起名
剛剛榮升馬主，Aaron表示正努力為愛駒起名，問到會否有「熊」字，他說：「唔知呢，我都未諗！（幾時成家立室？）多謝大家關心，我自己都唔知呢一日幾時嚟，傳媒實在太關心我喇，連我阿媽都未緊張！」
舒淇忍痛剪長髮
另外，Aaron跟舒淇合作的《全城戒備》將於暑假推出，近日電影公司發放幾張劇照，其中舒淇在美術指導張叔平的勸導下忍痛將長髮剪短，配合戲中新聞女主播的形象。
採訪：音樂組