華哥獲囡囡送iPad冧哂
影帝任達華目前身在北京拍戲，但早前在港時也抽空肉緊「陪女」！視愛女任晴佳為掌上明珠的華哥及琦琦，日前三人行在金鐘逛街，突然晴佳做出「I」和「P」的手勢，又高叫：「我教你用！」
原來晴佳拉着華哥到電腦店選購iPad送贈給他，之後更拿着相機替琦琦和華哥拍照，拍得甚有水準！雖然華哥少在香港，但湊女有方，期間到咖啡室醫肚時，親自餵晴佳外，更獲對方頻頻獻吻，令華哥全程笑不攏嘴！
昨日琦琦出席好友虞茱迪的家品Loomm bowl活動時，自言是英格蘭迷的她，見賽果打和，笑言：「嬲到瞓唔着同瞓『矮』頸！老公話父親節一定趕返嚟，但啲機成日delay，我驚佢返嚟唔係食晚飯而係食消夜！
囡囡用利是錢買iPad送畀老公，我仲訂多四部送畀親友！」