鍾鎮濤賭波旨在嗌

鍾鎮濤(阿B)昨日出席「足‧父親節快樂」活動,女友范姜、女兒鍾嘉晴與鍾懿亦有捧場。支持英格蘭的阿B對球隊未能擊敗美國,他肉緊地說:「咁都win唔到!(有冇落注買波?)有買少少,但我都係買嚟嗌嘅啫!」

提及父親節,他指囡囡鍾懿曾送了一張心意卡給自己:「我好開心收到呢份禮。(會唔會同囡囡一齊拍廣告?)以前我唔畀,佢都係學業為重。將來要睇佢嘅性格,有機會都可以嘗試吓!」他又讚囡囡唱歌好聽,老師更建議囡囡上詩歌班。