Mia犯眾憎遭杯葛

新八模成員陳靜儀（Mia）、黃 雪瑩（Suki）、王麗嘉（Rika）、馬卓寧（Vibeke）、何佩瑜（Jeana）、徐熙素（Hazel）、江怡（Betrys）和余曉彤（Hidy），將於本月底推出寫真。有傳新八模杯葛風頭躉兼郭秀雲兒子錢景峰女友Mia，據悉Mia工作態度欠佳，經常遲到，有次甚至失場，惹起其他成員不滿，出現內訌情況。

伸冤反擊

而與Mia牙齒印最深的Suki，直認與對方「唔啱傾」。對於Mia經常遲到，Suki即踢爆：「遲到？係冇到喎，有次影水着相，直情冇嚟，但之後大圍活動又見佢出現番，可能佢有唔舒服啦，但我哋都唔舒服，M到（月事）囉！」

對於Suki玩踢爆，Mia即伸冤反擊：「我五月中已經開始唔舒服，試過腸胃炎入院，醫生話我冇乜時間休息，所以Keep住病，我只需要同公司及自己交代，其他人點理解好難控制。」

Hidy趴在賭枱意態撩人。

Hazel擺出野性誘惑甫士。

搶咪失儀

另外，有線主持人踢爆新八模受訪時，竟出現搶咪事件，指他們表現失禮，主持人建議新八模應挑選一位隊長作代表。新八模經理人Roy笑言：「呢個係弱肉強食嘅世界，可能下次唔係搶咪，係批(月寸)（選隊長？）香港有言論自由，個個都有機會。（但被指失禮？）叫佢哋下次做訪問猜情尋，猜贏就可以揸咪。」

文：專案組 攝：林蔚恩