蔣怡街頭擺甫士春情撥髮

喺台灣發展咗一段日子嘅CoCo，最近回流返港，轉型擔任飲食節目主持，稍後仲會幫有線主持世界盃添！喺未來呢段日子，CoCo話模特兒已經係過去式，現階段只會接戲拍同做主持，希望事業有新突破。

攬實女友合照

呢期頻頻性感亮相嘅CoCo，前排就見佢着住條連身短褲喺中環雲咸街出現，當晚十一點幾，見CoCo手上拎住杯顏色鮮艷嘅Cocktail，同兩個女仔朋友喺附近一間酒吧門外傾偈。雖然當時條街企滿晒人，但見CoCo好似畀人撻着咗咁，失驚無神好大動作咁舉起手撥弄秀髮，似足洗頭水廣告嘅片段。之後佢朋友要求影相，CoCo即刻「舊」病發作，搔首弄姿咁擺晒甫士任影，仲兩個女仔攬到實一實。傾傾吓偈，唔知CoCo係咪酒精上腦，無啦啦跳起舞，喺佢周圍嘅男士都忍唔住睇實，high爆全場！

high爆跳舞

攬埋一舊

超低胸見男友

事隔幾晚，着住超低胸吊帶衫嘅CoCo就同拍咗拖十年嘅男友翁狄森（Dickson），加埋幾位朋友去咗中環Dragon-i消遣，玩到凌晨點幾兩點先捨得走。沿途見CoCo同男友行到離行離列，只顧同朋友傾偈，好彩男友都冇詐型，最後齊齊搭的士走人。

蔣怡穿上超低胸裝扮約會男友翁狄森。

翁狄森。