曾國祥暗寸被人屈A.Lin受滋擾
曾國祥最近與裴殷（A.Lin）、蔡瑩瑩（Ivy）等o靚模傳出緋聞，前晚他出席首映時直言清者自清，更暗寸有人造新聞。首映後他更與周俊偉及一名女伴，前往茶餐廳醫肚。
此外A. Lin於微博上留言反擊曾國祥暗寸有人造新聞：「三個人的感情事如今牽涉多人，看見你出來說清者自清，你知道這樣會傷害到人嗎？我真心相信原來你真係為搵食的。」
A. Lin接受本報訪問時，直言「搵食」是指男方四出溝女：「佢胃口大咪要出嚟搵食囉，其實我諗佢都唔清楚『清者自清』呢句點解。」她又表示幾日前接到匿名電話騷擾，該女子打通後就劈頭大罵：「×婆！」再緊接數臭她數分鐘，至於對話內容，A.Lin婉拒回答：「唔開心嘅事唔好提，總之佢係鬧同嗰件事有關嘅嘢，（你有冇反駁？）佢太快收線，我講唔切。」問她可知對方是誰，她說：「我知，但唔講。」
DaDa批評曾志偉
而好友DaDa（盧頌之）就坦言知A.Lin受電話騷擾，覺得來電者好無聊，為何不開宗明義罵A.Lin，要鬼鬼祟祟玩匿名。她又覺得事件的源頭是曾國祥，覺得對方應負上責任，同時又認為撐愛兒的曾志偉不應說盲目又荒謬的話，前輩應做好榜樣。