伍詠薇拖敏之踩場sell美容

楊怡胞姊楊卓娜與陳丹丹合資的服裝新店，昨日新開張剪綵，期間一班圈中藝人包括楊怡、伍詠薇（伍姑娘）、陳敏之、姚嘉妮、張美妮等均有到賀，席間剛榮升做美容產品老闆娘的伍姑娘，竟趁機聯同其產品代言人陳敏之勁sell生意，難怪她們笑言似來「踩場」。

性感騷長腿

事後伍姑娘表示：「今日帶代言人嚟踩場，見到楊怡兩姊妹做自己鍾意嘅嘢都戥佢哋開心。（過招畀佢哋？）唔使啦！每人做生意有唔同觸覺，靠自己啦。（你都做生意！）係呀，仲請咗敏之做代言，使咗好多錢喺佢度，頭炮產品係瘦腿，廣告相會好爆好性感！（周秀娜咁爆？）爆過，不過敏之方向唔同，佢條事業線生喺腳度！」

老闆之一的陳丹丹在楊氏姊妹左右夾擊下開香檳。

楊怡（右起）、伍詠薇、陳敏之和姚嘉妮齊賀楊卓娜榮升老闆。

碌爆人情卡

此外，楊卓娜透露今次與陳丹丹各自投資六位數開舖，她預計一年左右可回本，她說：「妹妹都有幫襯，同幫我着啲衫。（減少幕前演出？）唔會。（幾時開分店？）愈快愈好啦。」而楊怡就表示為撐家姐場，她不惜碌爆人情卡邀請多位圈中好友撐場，認真唔話得。

文：影視組