方力申拒被女友食住
方力申昨日出席「迪士尼兒童基金」活動，現場有失明人士聯同家庭成員表演，小方直言兩代溝通很重要，當他當上父親時，會以另一方法教導子女，他謂：「我同仔女出街，一定唔會畀佢食飯拎住遊戲機嚟玩，就好似拍拖唔可以畀女友食住，教仔都唔可以畀小朋友食住一樣。」
小方即將出發到上海電影節，與過氣緋聞女友鍾欣桐為英皇電影《出水芙蓉》宣傳，談到日本人氣組合SMAP於世博舉行的演唱會宣布取消，小方對此謂：「我都估唔到，但都冇諗住去，因為聽聞係派飛，點撲呀？咁因為安全問題取消都好嘅，咪等佢遲啲喺第二度再開先捧場囉。」