阿倫坦蕩蕩潮學周杰倫
譚詠麟（阿倫）為七月紅館演唱會，自創四式減肥法極速修身，為驗證他的30吋腰冇花假，阿倫當眾扯低褲頭露出尺寸牌，還戲言沒有穿底褲，年約60的阿倫和年輕一截的周杰倫一樣咁潮。
「歐洲坊鐘錶與譚詠麟2010再度感動演唱會」將於七月十六至廿一日假紅館舉行，昨日阿倫在記者會上即席預演兩首歌，不過當他和Mr.合唱《八十歲後》時竟忘記歌詞，令全場爆笑。雖然出現蝦碌狀況，但無阻贊助商歐洲坊鐘錶CEO邱子傑及藝能製作副總裁葉偉忠，上台送贈金沙漏及留聲機給阿倫。
否認帶頭開貴騷
被封為「食物焚化爐」的阿倫，自誇「四管齊下」成功減至156磅，阿倫說：「兩個星期就瘦咗，本來着34吋褲頭，依家30都有鬆。」他又無懼在眾多女記者面前，扯低褲頭露出尺寸牌以證冇「吹水」，他謂：「今日底褲都冇着。」而早前周杰倫在《康熙來了》亦被小S拉低褲頭，驗證無穿內褲。阿倫又公開其減肥秘訣，分別是：「早、晚都諗嘢，諗住會瘦，靠自己意志力、注意食嘢、做運動同做機。」
有指阿倫的演唱會帶頭加價，由以往最貴的480元增至550元，但他就否認：「張敬軒之前都680啦，（咁你個唱門票合唔合理？）見仁見智啦。」不過阿倫又補充是高成本製作。
備貓紙免忘歌詞
阿倫將在個唱上獻唱過百首經典金曲，問他可擔心又忘記歌詞？他就說不擔心，因金曲已背熟，舞台也有「貓紙」給他「瞄吓」。
除了組合Mr.已落實擔任個唱嘉賓，阿倫亦會邀請好友李克勤、溫拿及刀郎。談及有報道指曉風往上海捧阿倫場，阿倫指相中不是其子。
採訪：音樂組