學友全家染手足口病
張學友、黃家強和關淑怡（Shirley）昨晚攜手合力，以歌聲為非洲小童籌款，打頭陣的家強自爆三歲囝囝慶陽發燒疑染手足口病，心繫兒子仍堅持獻唱，專業精神可嘉！Shirley則在台上除鞋跳舞，感受非洲小孩的赤腳生活。
「他來自非洲慈善演唱會」昨晚假Star Hall舉行，學友、家強和Shirley以歌聲為非洲小朋友籌款興建學校，捧場嘉賓包括姜大偉夫婦、林敏驄、曹敏莉和未婚夫等。
打頭陣出場的家強與非洲小朋友合唱《遠方的朋友》，家強演出後在後台被問到為何太太沒捧場？他說：「囝囝發燒，老婆行唔開，之前擔心囝囝有手足口病，佢燒咗幾日，唔係好退燒，唔敢帶佢出街，老人家話呢啲係『爆骨頭』，發燒會長高，囝囝都唔知自己病，喺屋企走嚟走去。」
穿吊帶衫登場的Shirley除鞋與非洲小童合唱，有小童表示夢想似李連杰做功夫巨星，Shirley則有感而發說：「好多香港人身在福中不知福，自己唱咗20年歌，發現自己夢想冇咗，希望今晚可以再覓理想。」
崔建邦表現如常
至於崔建邦在台上表現如常，沒上次做地震賑災騷時口窒窒，他說：「今次係出事後第一次做大型活動司儀，自己都好緊張，我都想快啲踏台板，依家有工作傾緊。（減價接job？）唔會，慈善、有錢都做。」
張學友在音樂會上，被問到手足口病猖獗，連黃家強的囝囝也疑「中招」，學友透露他和太太及兩個女兒曾受腸病毒的「洗禮」，導致手足口病，兩個女發燒一日及屙兩日，連照顧兩女的媽媽羅美薇也受感染，同樣是發燒又嘔，兼且是病情最嚴重的一個，猶幸學友只是作嘔。問學友現時是否痊愈？他說已無礙，否則大家有危險，兩女生病時，他亦不准女兒上學，免將病毒傳染開去。學友又慨嘆現時病毒橫行，他又不想無故叫女兒勿上學，唯有叮囑她們要小心。
採訪：音樂組