周秀娜送波餅師妹硬食
周秀娜昨日出席活動時穿上露臍小背心配熱褲，大騷3吋Y形事業線兼誘人小蠻腰，吸引過百途人圍觀。她玩射龍門時又不小心把波射到師妹臉上，事後還以有味笑話表示世界盃要食波餅。
周秀娜（Chrissie）昨日與一班師妹新八模及師弟組合Bro5一起出席在銅鑼灣舉行的「Yahoo！激鬥龍門街頭大比拼」活動，身為師姐的她以露臍小背心配熱褲上陣，大騷3吋Y形事業線和Fit爆小蠻腰，誘人非常，吸引過百途人圍觀和拍照，更有途人趁她俯身時「高炒」她。Chrissie和師弟妹們又分組玩射龍門大鬥球技，當她射波時卻不小心射向師妹Jeana臉上，請對方食波餅，幸好只是吹氣膠波。
夜晚做殭屍
事後問Chrissie請師妹食波餅，她以有味笑話回應說：「世界盃要食吓波餅。（咁有無請男友食？）我哋唔係捧同一隊球隊，都要佢食吓架喇。」又表示已做足安全措施，即使穿得性感又多人圍觀亦不用擔心。當日陽光猛烈，Chrissie笑言近日為拍新片在晚上要演殭屍，沒機會見陽光：「今日可以趁機會曬吓同做吓運動。我夜晚要做殭屍所以見唔到陽光，不過又要打又要吊威吔。（有無睇新聞又有液體傷人案？）我尋晚要開工所以唔知。（呢度都發生過擲鏹水彈案喎。）我諗應該唔會有事。」
Jeana中頭獎
而慘食波餅的八模成員Jeana就表示中了頭獎很開心，她說：「今日要買六合彩又或者買馬。（痛唔痛？）唔痛，個波吹氣嘅。其實當時一刻都唔識反應，因為太突然，都有少少尷尬同有少少想喊。」此外，媽模Mia因穿了大碼鞋，以致不時甩鞋，場面搞笑。
文：名人組