懶理舊愛戀情 阿嬌飲水解dry
被傳與Juno拍電影《破事兒》撻着的鍾欣桐（阿嬌），昨日出席海港城舉行的英皇電影《前度》慈善簽名會活動，對於Juno公開與混血女模Janine拍拖，身為Juno前緋聞女友的阿嬌冷淡地說：「係咩？咁咪好囉！（點睇佢唔承認之前嘅緋聞女友？）咁點呢？（覺唔覺甩難？）唔好誤導我，我戥佢開心，做人最緊要開心。（知唔知佢女友身份？）唔知，冇睇。」
阿嬌表示一直視Juno為朋友，不需要經常見面，亦不會因此致電給方，否則變得八卦。她又稱事業為上，不心急拍拖。問到會否好dry？她說：「dry咪飲嘢囉，飲水囉。（鍾唔鍾意大隻男？）唔好，好驚，結實唔好鬆弛就得，最緊要注重儀容。」
