陳楚喬教盲人彈琴獲益良多
江若琳師妹陳楚喬（Carolyn）除了幕前工作外，本身鋼琴造詣達演奏級的她，原來私底下還有教授盲人彈鋼琴，認真厲害。問到Carolyn教授盲人彈鋼琴時是否需要特別技巧和耐性時，她表示：「其實教佢哋唔辛苦o架，仲可以學識好多道理添！雖然盲人學彈琴會遇到好多困難，但佢哋會好有耐性咁去克服，充分表現到不屈不撓嘅精神，從佢哋身上我學識咗好多做人嘅道理。」
由於近期微博成為熱潮，問到Carolyn有否乘機開微博「趁熱鬧」時，她即笑謂：「無呀！（唔驚人話你out咩？）呢樣我又無乜所謂喎！一來我又唔係好鍾意玩電腦，二來我一日又用咗好多時間去作歌、練歌同彈琴，都分配唔到時間去玩。」