鄧健泓阿Q精神望隨時彈起
鄧健泓（Patrick）出道多年，事業起起跌跌似坐「過山車」，拍拖總逃不出四年半的「期限」，幸好Patrick天性樂觀，自嘲：「我係Iron Man『打不死』。」
Patrick剛推出了新碟《Link 2 Pat's Trick》，雖然無綫是Patrick經理人，但隨着四大唱片公司因版稅反目，再者曾是陳志雲身邊愛將，有戲演，有主持做，現志雲失勢，工作變成危危乎。面對事業起起跌跌，Patrick淡然說：「我相信每件事有因必有果，喺呢個圈咁多年，經歷咗咁多我仲可以留喺個圈，我諗應該有啲原因嘅！」面對未來Patrick很阿Q笑道：「可能我第二日就中六合彩呢，又或者我呢張碟，我嚟緊上嘅戲會『爆出』呢，好多嘢邊話得埋o架。」
恨做老竇
提到與拍拖多年的李詩韻戀情告吹，最傷心日子都捱過，正所謂「世事難料」，令Patrick最無奈是拍拖竟有「期限」，他謂：「次次拍拖都係拍到四年半就冇咗！」所以，他學識：「今日做好今日事，令到今日做嘅事成為聽日嘅最好回憶。」情場敗走，Patrick竟渴望當爸爸：「我好想做老竇，最近身邊好多朋友都做咗爸爸！可以嘅話唔結婚，生仔都得o架。」Patrick笑言當然是自己一廂情願的想法，試問有哪個女仔願意不結婚和他生BB？工作和愛情繼續屢敗屢戰，Patrick笑言：「打唔死我嘅，我唔做葉問，葉問係人，人都會死，我會做Iron Man，打不死呢。」
文：音樂組
服裝：Absolute
化妝：Yen Li
髮型：Michael Lam