江若琳會青雲驚到絕食

江若琳入行至今，每次拍電影都搏到盡，並會接受不同的挑戰，最近Elanne又再次向高難度挑戰，在寰宇新片《完美童話》中，飾演自閉孤兒，全套戲一句對白都冇，超級考演技！

開心又擔心

除此之外，Elanne今次合作的演員，更是影帝級人馬劉青雲以及內地一些好戲之人，壓力有多大可想而知，Elanne表示：「能夠同青雲等好戲之人合作，當然好開心，但係另一方面又好擔心，因為佢哋嘅演技實在太好，我好驚自己做得唔夠好，所以依家會不斷睇劇本去揣摩角色，希望做到最好，有時為咗睇劇本，連飯都唔想食。」

江若琳歌影視三棲發展，忙得不可開交。

江若琳在新片中一句對白都冇，認真大考驗。

見心理醫生

導演彭發為了令Elanne更加了解自閉人士的心理，特別安排她與心理醫生見面，以及去了解一個自閉個案，讓Elanne做足準備工夫。

據知，電影《完美童話》中，劉青雲將飾演一名頹廢警察，與智商極高的殺手鬥智鬥力，而Elanne則與殺手青梅竹馬，感情甚篤。

文：影視組