DaDa封咪晒腿做女皇帝
「百菓園咪神」陳靜（DaDa）出道一個月，即成吸金王，短短時間接job無數，並吸納大批宅男fans力撐。日前她便以武則天造型拍online game廣告，DaDa花兩小時化妝和set頭，變得霸氣十足，只可惜34D好身材在古裝造型下大遭埋沒，DaDa笑說：「但我好鍾意呢個樣呀！咁大個女都未試過古裝，我覺得自己好型，個妝好靚，仲有好多唔同嘅首飾戴，着古裝加埋對五吋高跟鞋，好特別，仲有得騷腿添。」
做足十幾個鐘
當日一天之內拍攝硬照廣告及電視廣告，DaDa連續工作十多個小時，仍然是一臉精神，她說：「啲工作人員都話我好精力，由朝到晚好似一啲都唔攰咁。」
另外，DaDa憑疑幻似真的豐滿上圍，甫入行便話題不斷，造就她人氣高企，入行短短一個月已接下六場商場活動，兩個廣告及一部網劇，對此成績DaDa直言很滿意，她說：「我好開心咁快有呢個成績，都有啲意外，（介唔介意身材成為談論焦點？）呢樣嘢我都控制唔到，最初係會有啲唔開心，尤其畀人懷疑隆胸，但依家開始諗通咗，會繼續畀心機做嘢。」
文：影視組