梁筠兒為愛犬設私竇
施念慈旗下有「巨胸版法拉」之稱的新進o靚模梁筠兒（Bambi），在家中為愛犬「拖肥」設置一個小天地，Bambi表示4歲的「拖肥」是隻牧羊狗，一家人買「拖肥」時，原本是以為一隻迷你牧羊，怎料「拖肥」竟愈來愈大。Bambi說：「雖然狗店嘅老闆話可以換過隻畀我哋，但全家人都唔捨得，我哋一早當咗佢係一分子。」受盡家人寵愛的「拖肥」有私家帳蓬，Bambi笑指：「呢個帳篷原本係小朋友嘅波波池，『拖肥』一見就好鍾意，依家變咗佢間屋。」
除了狗仔天地，Bambi家中亦有一個玩具天地，記錄了她成長的回憶，當中包括有中學時代所儲的「B女」，Bambi透露：「以前有段時間好迷B女，成日攞出來影相，幫佢換衫。」原來Bambi一家都是玩具迷，儲落不少扭蛋玩具，令家中玩具愈積愈多，猶如一個玩具庫。