吳卓羲殺出「電車」路
吳卓羲（Ron）棄「型」入「薯」，不但令他殺出一條喜劇新血路，更成功「洗底」跳出緋聞及是非的陰霾。
無綫型男小生吳卓羲，近日憑劇集《巴不得爸爸》及處境喜劇《女王辦公室》大放笑彈，其中在《女》劇飾演薯嘜「電車男」更令觀眾帶來新鮮感，除了成功轉型做喜劇演員之外，又一改過去緋聞、是非纏身的形象，認真一石二鳥。
仍處耕耘期
Ron自言向來都有喜劇細胞，估唔到入行十年才有機會演喜劇，對於成功「洗底」，Ron認為只要有努力，觀眾一定會感受到：「入行多年，有好多經驗同埋經歷，明白到娛樂圈嘅遊戲規則，有好多嘢冇得避，包括緋聞同是非，所以首先做好自己，只要有努力，一定有人睇到。（演喜劇為你脫離低潮期？）唔係低潮期，只係一個經歷，人生當然有高有低，其實我依家仲係處於耕耘期。」
上網搵資料
Ron表示在《女》劇中首次演薯嘜「電車男」角色，為求入型入格，事前下了不少苦功，他謂：「以往演嘅都係懶型角色，所以今次對自己嚟講非常有新鮮感，不過由於身邊冇乜『電車男』朋友，所以開拍之前都上網睇咗好多資料，做足準備工夫，學『電車男』嘅神髓，但係都唔夠似，所以再要將衣着髮型改變搭夠。」
文：影視組
髮型：Rayne@Salon II Hair Nail