Brian自薦做打星唔啱Timing
Square成員Brian受「詠春風」吹襲，秘密跟葉問長子葉準學武，獲得良好評價；Brian自爆曾自薦拍攝詠春電影，惜為時已晚，不少電影已完成拍攝。
四人男子組合Square成員Brian，早已秘密拜師葉問長子葉準門下，學習詠春已有一年多，每星期都會跟師傅上三、四堂，視甄子丹為偶像的Brian說：「學詠春係因為睇咗《葉問》，之後由張繼聰介紹下正式拜葉準為師，目的係強身健體。詠春講求以柔制剛，好適合我哋做娛樂圈呢行，可以減壓。」模特兒出身的他表示其身高在詠春招式上是個弱點：「師傅話我缺點係手腳慢，生得太高，有太多空位被襲擊。」
師傅讚勤力
問到會否自薦拍攝功夫片，Brian搞笑表示：「成日都自薦啦！不過錯過晒時間。到我自薦時《葉問2》同《葉問前傳》都拍完，哈哈。」問到葉準對徒弟Brian的評價，葉準說：「佢好勤力同認真，上堂比其他藝人徒弟足，佢好聰明快上手。」有指市場出現太多詠春電影，葉準說：「在個人立場，能夠推廣詠春，始終是件好事！」
文：影視組