James腳傷死頂開工
男子組合Square成員何尚謙（James）日前與好友打籃球時左腳不慎拗柴，以致韌帶受傷，由於工作接踵而來，急於復原的James前日再尋中醫師診治，James說：「睇咗第一次醫生之後都冇乜好轉，見到啲瘀血上到膝頭哥，自己都有啲驚！」
為免影響廣告商，James昨日頂硬上現身工作場地拍攝廣告，他說：「冇辦法啦，冇理由因為自己唔小心影響到人哋嘅工作，而且自己之後就要去泰國，時間表都好緊！」James又言惟有再次施展「單腳功」，他笑說：「之前未有輪椅都係跳吓跳吓咁活動，當練吓隻右腳啦，但最驚之後變咗『鴛鴦腿』！」