阿嬌自爆曾經想嫁人

阿嬌重返娛圈後深受廣告商垂青，日前成功續約中原電器代言人，並拍攝新一輯廣告，為配合主題及後期加工，阿嬌特別穿上吊帶低胸連身裙坐在鞦韆上取景，問到廣告商是否加碼續約？阿嬌說：「有呀，好滿意。（復出最高酬勞嘅廣告？）唔知，公司會幫我爭取。」問到身價值多少？抵死的阿嬌說：「不願置評，高又驚冇人搵，平又違反公司意願。」阿嬌自認是「慳妹」，又𢱑撈說：「最想有多啲衫同鞋贊助，又夠環保。」

親自問清楚

曾被拍得與方力申拍拖遊瑞士的阿嬌，避談對方與鄧麗欣好事近傳聞，她說：「唔知，唔八卦，唔睇雜誌同報紙，件事唔關我事，冇需要知。」由於阿嬌將與方力申出席電影宣傳活動，她抵死說：「我會同佢講，記者叫我問你係咪結婚。」她又強調與方力申是朋友，問到不戥對方開心？她說：「唔回應，誤導我，太多八卦充斥令人變質同唔升呢。（真係唔祝福佢？）如果、如果、如果係會祝福。（襯唔襯？）開心就得。」

方力申	工作人員扶實阿嬌上鞦韆。

唔吼有錢佬

問到現時有否拍拖？阿嬌說：「冇呀，有冇好介紹，有都會即刻結婚。（公司畀？）講吓啫。（有錢佬出現即刻同公司解約？）唔鍾意呢啲，冇真感情，突然出現點會有真感情，等緣分到啦。」當問到是否接受閃電結婚？阿嬌自爆說：「曾經閃過一刻結婚衝動，不過諗深一層係冇可能。」當被追問對象時，自知講錯說話的阿嬌即扮傻說：「如果啫。」

採訪：音樂組