馬浚偉想年底做老襯

馬浚偉昨與傳媒午膳宣傳《蒲松齡》時透露，有意與拍拖七年女友許慧玲（Vivian）於年底結婚，不過他還未跟女友求婚及與雙方家長商量。馬仔笑言：「係我自己咁樣諗，我個妹都問我點解佢唔知，我都驚世伯同我反面。其實同女友初步有傾過，嚟緊下一步再商量。（點解唔揀圈中人？）我覺得圈外女仔比較適合做我另一半，我唔想工作以外嘅時間仲傾圈中嘅事，所以我同圈中女仔相處唔會諗第二啲角度，同陳法拉、鍾嘉欣、楊怡、郭羨妮都做到好朋友。」