JC睡衣餵食冧男友
兩位靚女模特兒Jessica C.（JC）及諸葛梓岐均與男友感情穩定，為俘虜男友芳心，諸葛梓岐靠打機學烹飪，JC則會穿着睡衣下廚，更親自餵男友進食，認真羨煞一眾宅男。
「警鐘胸」JC昨日出席「Pizza Hut」美食活動，即席拜師學煮香蒜大蝦炒意粉，並獲對方大讚有潛質，更獲大會頒發「Beauty Chef」的證書。愛下廚的JC自言會穿睡衣煮早餐，問到男友有否投訴其廚藝？她說：「哈哈！佢唔會有投訴！因為有次佢話我煮嘅咖啡有怪味，我即刻變得好惡反問佢有咩問題，自此佢唔敢再出聲。」
男人似足寵物
JC又認同男人似寵物，需要服侍餵食。她說：「男人同動物一樣，加上我真係好鍾意，所以會煮早午晚三餐畀佢。」一向性感的JC穿上紅裙示人，但又以黑色tube dress打底，她笑言因怕煮食時彎身會走光。
另外，有「公主」之稱的諸葛梓岐出席「星級廚藝活動」，與名廚及兩位小朋友即場大展廚技。當諸葛梓岐煮好炒蛋後，司儀即叫其中一位小朋友餵她吃蛋，諸葛梓岐竟面露抗拒之色，只肯咬一小口。
怕污糟拒進食
問到是否對自己的廚藝沒信心？諸葛梓岐說：「唔係，不過做緊嘢費事整污糟個嘴。我平時都有玩cooking mama（電子遊戲）學煮嘢。試過煮意粉畀男友食，佢都大讚話好味，仲成碟食晒。」她又謂最大興趣是做甜品，有意開設甜品店。問到是否想挑戰準備學成歸來開甜品店的名模Amanda S.？她笑言：「梗係唔係，佢太勁喇！」
文：名人組