黃子華爛gag玩康仔
黃子華昨日亮相無綫節目《Big 4大四喜》，擔任嘉賓的他反客為主，笑指蘇永康是BIG FOUR中唯一離過婚的成員，究竟幾時再Give Fun（結婚）？康仔當堂被考起。子華解釋與康仔太熟：「以前一齊喺內地拍劇，試過中秋節兩個男人坐喺人力車上，一人手揸一個月餅賞月。」
他說：「其實做嘉賓好大壓力，都唔知佢哋會問乜，之前上《志雲飯局》差啲中招（想喊），今次有備而來，預備咗啲題目諗住啱時機就反問。（你想做主持？）做呢類節目，一係朋友多，一係總經理，我冇乜朋友，頂多拍四集，如果係做最好去外地取景，邊玩邊問，趁嘉賓精神錯亂先問到真心話。」
世界盃快開鑼，子華說：「對上一屆睇得好開心，同張梳化合而為一，我唔講捧邊隊，費事捧嗰隊死嗰隊。其實世界盃令自殺都少啲，富士康真係可以諗吓搞贊助。」