草蜢先髮制人擊中健仔死穴
許志安、張衞健、梁漢文和蘇永康自組成BIG FOUR後人氣急升，昨日鄭伊健和草蜢三子亦即興自封「Lamb 4」玩對撼，更向正健仔死穴直插：「齋鬥頭髮都贏啦，邊使撼。」健仔隨即還拖：「亂用4字衰三年呀！」
昨日BIG FOUR、鄭伊健、草蜢和容祖兒出席記者會，八位大男人難得聚頭即爆出連番笑料，草蜢和伊健接受訪問時笑言因全屬林珊珊旗下，可以組成「Lamb 4」，擺明對撼BIG FOUR？傑仔（蔡一傑）謂：「唔係撼，一睇就知贏硬啦！」阿智（蔡一智）更啜核說：「冇得撼，鬥頭髮都贏佢哋。」
亂用4字衰3年
對於Lamb 4出言「挑釁」鬥頭髮，健仔即說：「係咪長髮嗰個講（指阿智）！」當遠處傳來草蜢和伊健大呼「Lamb 4」，健仔亦大聲說：「咪亂用4字，要攞版權架，唔係衰三年。台上一分鐘，台下十年功，佢哋平時咪只識得行街，康仔你都去少啲呀！」健仔繼續平反：「你估頭髮多就得，佢哋姣，我哋都可以妖，妖起嚟嚇死你呀！」
祖兒有驚無險
另外，問到安仔有指他拉攏梁漢文和蘇永康過檔？安仔表示有聽過這段傳聞，但他沒有做過，他不會做媒人。個人志願？安仔笑言：「我最想係四個兄弟都一齊，但都冇人簽張衞健。」而梁漢文和康仔則稱與金牌的合約仍有一段時間，未需要考慮合約事宜。至於安仔傳出因與舊愛復合激走同居女友？安仔強調：「由我懂事拍拖開始都未試過同居，我嘅同居腳係阿哥、阿嫂同隻狗。（同女友關係？）一切如常。」
至於祖兒在台上訪問期間，天花的燈罩跌下，幸有驚無險擦身而過。而祖兒稱因今次音樂會是以「獅子山下」為主題，亦是師傅羅文出道四十周年，會演唱多首師傅作品及自己的一首歌曲《最後一課》來向師傅作致敬。
文：音樂組