白雪公主

走在潮流尖端的模特兒，掌握第一手潮流資訊，今期流行的都可從她們身上找到。最近，o靚模界捲起一場白色風暴，名模模都以白色裙子亮相，化身為Snow White，發放清純無邪的正能量。

Baby今次嘅造型有啲令人跌眼鏡，本身佢嘅baby face同白色裙係最佳拍檔，不過佢襯得太多嘢上身，denim jacket又手鐲又皮帶，身上太多焦點，襯得好夾硬，搞到個人睇落好老積。

今季好興娃娃裙，裙身闊闊裙腳有荷葉邊嘅款式比較適合佢呢個年齡，梳起all-back髮型，着得出天真無邪嘅感覺，仲好有感染力，係近年喺模界比較少見到嘅驚喜。

周汶錡白衫襯白褲，仲係今季hit item嘅bermuda pants，而唔係襯裙，配搭比較有時裝感。加上佢襯一對桃紅色露趾踝靴，好過由頭到腳都全白，令佢睇落好stylish，又唔會話齋白咁悶。

皮膚白嘅人，着白色永遠都着數啲，諸葛梓岐呢身配搭畀人neat & tidy嘅感覺，見佢外面襯番件洗水denim biker，識得揀短身款式，令到身形睇落去修長。不過建議佢用french nail代替水晶甲，或襯以唔露趾嘅booties。

係好興戴呢款頭飾嚟營造女神嘅感覺，但係佢條裙完全冇飄逸感，錯晒！中間嗰條閃片令視覺上大隻咗，成件事錯晒。

裙身嘅多層荷葉邊令佢個人睇落圓潤、飽滿啲，感覺sweet啲，加上佢識得襯番對金色lace-up高踭鞋，保持到白色應該有嘅輕盈感，穩穩陣陣過關。

於1996年創立自家品牌SPY Henry Lau的本地著名時裝設計師Henry Lau（劉志華），早前出任時裝世界精英大獎（FWTA）和亞洲星光大道的評審。他早年曾為梅艷芳和李克勤設計演唱會戰衣，亦曾為何韻詩設計舞台劇服飾。