岑潔儀唱歌冧阿媽反被鬧
岑潔儀（Zoey）、郭穎橋與內地超模張英茜昨日出席《鄧麗君交響夢慈善金曲演唱會》的慈善票售賣活動，她們表示受母親影響自小就愛聽鄧麗君名曲，對《月亮代表我的心》最有印象，Zoey說：「媽咪無論同爸爸嗌交定心情唔好，就會聽呢首歌，大個咗學識唱呢首歌畀媽咪聽，佢唔感動不特止，仲會話番我，因為呢首歌係佢心情唔好嘅時候聽。」
而阿橋就表示小時候母親最愛以《月》曲氹她瞓：「依家每年佢生日都要我清唱畀佢聽，鄧麗君嘅歌聲真係好動聽，而且功架十足，今次呢個演唱會好有意義，一邊懷念一邊做慈善。」