前度男友崔建邦涉打案完結後，中巴鄺敏慧昨日首次公開露面出席活動，明顯狀態和心情不錯。對於崔建邦復工，中巴表現大方說：「都有留意，佢復工我都替佢開心，希望大家都一樣畀心機工作。（聯絡佢？）冇，大家都做緊自己嘢，（係咪告一段落？）已經放下心頭大石，之前嘅嘢冇再諗。（擇偶是否有陰影？）我已經放低咗，冇再諗，有機會都想拍拖，但緣分未到，同埋要工作。（唔再認識玩散打嘅人？）哈！冇諗過，等我得閒諗吓要咩條件，諗到就話畀大家聽。」
