新舊馬明嫂詩韻定欣玩另類3P
早前傳出跟胡定欣分手的馬國明，最近又被指和鄧健泓舊愛李詩韻撻着！新舊「馬明嫂」的李詩韻和胡定欣，昨在活動上碰頭不但零火藥味，更即場和「馬國明」齊玩另類3P，三角關係完全浮面！
昨日胡定欣和李詩韻出席「中港城迎接世界盃」活動，兩人有講有笑，姊妹情深，未有因為跟馬國明傳緋聞而感到尷尬。期間兩人以二人三足形式射球，大會更特設馬國明人形紙牌守龍門，明顯玩盡三角關係！
唔會爭仔
詩韻直言跟馬國明傳緋聞感到迷惘，至於跟胡定欣如此老友，會否愛上同一個男人時，詩韻說：「應該唔會，我唔鍾意爭仔！」胡定欣則謂：「要爭嘅就唔係屬於自己！」當提到幸好跟鄧健泓分手，否則變四角戀，李詩韻則一臉尷尬。問到馬國明追求會否抗拒，詩韻則笑笑口看着胡定欣說：「好難答，呢刻冇諗過。」而胡定欣則說與馬國明是好朋友關係！
另外，最近李詩韻擔任酵素液產品Charming Enzyme的廣告達人，更找來好友宋熙年、黎諾懿和李豪一起上陣拍廣告，實行有銀齊齊搵！
文：名人組